Риддер—Шығыс Қазақстан облысының  солтүстік-шығысындағы қала , темір жол станциясы. Іргесі 1784 жылы орыс инженер-технигі Ф.Риддер осы маңнан полиметалл кенін ашуына байланысты қаланды. 1941 жылға дейін Риддер,  1941— 2002 жылы Лениногорск деп аталған. 1917 жылға дейін қала шетел капиталистерінің қолында болған.

 Шығыс Қазақстан облысындағы Риддер қаласы 1786 жылы Риддер кенті ретінде негізгі қаланған және кен орнын бірінші ашқан инженер Филипп Риддердің есімі берілген. Алғашында алтай металлургия зауыттарын кенмен қамтамасыз ететін кент ретінде ашылған.1932 жылы Риддерге қала статусы берілді. 1941 жылы Риддер қаласы Лениногорск болып ауысты.

2002 жылы қалаға тарихы атауы қайтарылып берілді. Риддер - Шығыс Қазақстандағы  қорғасын, мырыш, т.б. сирек метал өндіретін  Өскеменнен кейінгі үлкен өндірістік қала. Аса ірі өндірістік өнеркәсіп – полиметал комбинаты орналасқан. Кен орындарымен, байыту фабрикаларымен қоса «Казцинк» акционерлік қоғамынның құрамында.

Қазіргі Риддер қаласының аумағы 3387220 шаршы километрді құрайды. Тұрғыны 51,9 мың адам (2004).

Әкімшілік аумағына 19 елді мекен, бір ауылдық және бір кенттік аймақ кіреді. Риддер қаласының әкімшілік аумағы кенді Алтайдың орталық бөлігінде, Лениногор «шұңқырында», таулы орманды дала өңірінде орналасқан. Лениногор ойпаты оңтүстік шығыста «Иванов белдеуі» жотасымен, оңтүстікте-«Проходной белдеуі» беткейлерімен, батыста және оңтүстік-батыста «Синюхин белдеуі» беткейлерімен шектелген.

Риддер қаласы туралы:

Лениногор=Лениногорск [Мәтін] : Фотоальбом. - Алматы : Өнер, 1986. - 120 б.

Сақабаев К. Кенші келбеті [Мәтін] / Сақабаев К. - Алматы : Қазақстан, 1981. - 107 б.

Бұқтығұтов Ш. Риддердің болашағы үлкен [Мәтін] / Бұқтығұтов Ш. // Дидар. - 2003. -  6 желтоқсан.- Б.2

Бұқтығұтов Ш. Тау қопарғандар қаласы [Мәтін] / Бұқтығұтов Ш. // Егемен Қазақстан. - 2003. -   25 маусым.- Б.7

Ленин және Риддер [Мәтін] // Коммунизм туы . - 1987. - 13 октябрь

Токарев Н. Орындалған ант [Мәтін] : [Риддер руднигінің тарихы] / Н. Токарев // Коммунизм туы. - 1967. - 1 ноябрь

Сапарғалиев М. Риддер - келешектің қаласы [Текст] / Сапарғалиев М. // Егемен Қазақстан. - 2012.- 16 наурыз (№ 107/114). - 6