Риддер — Шығыс Қазақстан облысының солтүстік-шығысындағы қала (1932 жылдан). Іргесі 1786 жылы 31 мамырда орыс инженер-технигі Филипп Риддер осы маңнан полиметалл кенін ашуына байланысты қаланды.

1918 жылғы мамыр айында Риддер кәсіпорындарының мемлекеттік иелігі және олардың кеңес өкіметіне берілуі туралы декретке қол қойылды. 20-шы жылдары Риддер және басқа да кен орындарының үнемі пайдалануы басталды.

1923 жылы тәжірибелі электролит зауыты мырыш шығара бастайды.

Алғашқы бесжылдық жылдары Риддер еліміздегі түрлі-түсті металдарды негізгі жеткізушілерінің бірі болды.

Ұлы Отан соғысынан кейін тұрғын үй, мәдени-тұрмыстық қызмет көрсету объектілер, көше-жол желісі және басқа инженерлік желілер мен коммуникациялардың жаппай құрылысы басталды.

1941 жылы ақпан айынан Риддер қаласы Лениногорск қаласы деп аталды.

2002 жылы Лениногорск қаласына бұрыңғы қаланың аты - Риддер қайта берілді.

Риддер қаласы Қазақстанның солтүстік-шығысында орналасқан,Риддер қаласының әкімшілік аумағы Ресей Федерациясының Алтай Республикасымен шекараласады.

Әкімшілік аумағы 488 мың гектар, құрамында 10 ауылдық округ бар.

Риддер қаласының халқы 58, 1мың адамды құрайды.

Қазіргі таңда Риддер қаласы – Шығыс Қазақстан облысының өнеркәсіптік өңірі.

Аймақ экономикасының негізі тау-кен өндіру өнеркәсібі, металлургия және машина жасау саласы болып табылады. Ұзақ мерзімді перспективада қалада жоғары экономикалық әлеуеті бар.

Таулы, орманды дала ландшафты дамыған: қоңыр-қылқанды тайга, аралас ормандар, бұталар және биік бойлы шөп түрлері. Риддер қаласы маңайының басым бөлігін шыршалы орман алып жатыр. Өңірде жақсы дамыған өзендер желісі, көп таяз су ағындары мен бастаулар бар. Барлық өзендер таудан ағатындықтан ағыны қатты, жағалаулары тасты болып келеді. Риддер қаласының сумен жабдықтау көзі таулы қазаншұңқырда орналасқан Кіші Үлбі су қоймасы болып табылады. Өңір аумағында емдік мақсатында пайдалануға болатын суық родон сулары бар.

Климаты шұғыл континенталды, сипатты белгілері – қысы ұзақ, суық, жазы шамалы салқын, ауа температурасы көп жылдық және тәуліктік ауытқу.

Ат және жаяу туризм, альпинизм, экологиялық туризм, емдеу-сауықтыру туризмі, геологиялық туризм, экстремальдық туризм, автомобиль, мото және велотуризм, шаңғы және таушаңғысы туризмі дамыған.

Өңірде 1936 жылы құрылған Алтай ботаникалық бағы орналасқан.

Риддерде Батыс-Алтай мемлекеттік табиғи қорығы - ҚР Жоғарғы Кеңесінің 1992 жылғы 3 шілдедегі №1519-ХП Қаулысымен 56 078 га аумақта құрылған.Қорық Республикалық маңызы бар ерекше қорғалатын аумақтардың ең жоғары санатына жатады.Батыс-Алтай қорығының қазіргі құс фаунасында 162 түрі бар.

Интернет-ресурстар

Г. Риддер / Официальный интернет-ресурс Акима Восточно-Казахстанской области

Официальный интернет-ресурс акима города Риддер

Централизованная библиотечная система г. Риддера им. Н.В. Гоголя (социальные сети)

Әдебиеттер тізімі - Список литературы

Город рабочей доблести [Текст] : сборник статей и очерков. - Алма-Ата : Казахстан, 1986. - 328 с.

Лениногор=Лениногорск [Мәтін] : Фотоальбом. - Алматы : Өнер, 1986. - 120 б.

Немцев, М. С. Мой Риддер, мой Лениногорск [Текст] : антология стихотворений и песен о Лениногорске (Риддере) / М. С. Немцев - Лениногорск : Полиграф-Сервис, 2001. - 283 с.

Немцев, М. С. Лениногорск литературный [Текст] : биографический справочник / М. С. Немцев. - Лениногорск : Полиграф-Сервис, 2002. - 167 с.

Қосымша мәліметтер қажет болса өлкетану кітапханасы мен электронды каталогты пайдаланыңыз.

Барлық сұрақтар бойынша анықтама қызметін пайдаланыңыз.