Үлкен Нарын ауданы

Большенарым ауданы 1935 жылы 9 қаңтарда Зырян, Катонқарағай, Күршім аудандарының бөліктерінен құрылды (1935 жылы 31 қаңтарда БОАК бекіткен).

Ауылдық кеңестер: Большенарым, Боран, Жұлдыз, Егістөбе, Көкөзек, Малонарым, Малокрасноярск, Новополяковск, Новоберезовск, Огневск, Орджоникидзевск, Сенновск, Солоновка, Солдатовск, Трушниковск, Ульяновск, Усть-Нарым, Үштөбе, Хайрузовка, Укорский, Яранский.

Қазақ КСР Жоғарғы Кеңесі Төралқасының 1954 жылғы 13 тамыздағы Жарлығымен келесі ауылдық кеңестер біріктірілді:

Боран және Большенарым – Большенарым, Егістөбе, Көкөзек және Жұлдыз – Жұлдыз, Майемер, Үштөбе, Ярын, Орджоникидзе, Новоберезовск – Новоберезовск,Малонарым, Солоновка - Солоновка, Огневск, Ульяновск – Ульяновск, Үркер, Усть-Нарым, Хайрузовка – Хайрузовка

Қазақ КСР Жоғарғы Кеңесі Төралқасының 1963 жылғы 2 қаңтардағы Жарлығымен Большенарым ауылдық ауданы Большенарым және таратылған Катонқарағай аудандарының базасында құрылды. Орталығы – Большенарым ауылы. Оның құрамына келесі ауылдық кеңестер кірді: Ақсу, Большенарым, Жұлдыз, Катонқарағай, Маркс, Медведка, Новоберезовка, Новополяковка, Сенновск, Солдатова, Солоновка, Ульяновка, Орал, Хайрузовка, Чернова.

Қазақ КСР Жоғарғы Кеңесінің 1970 жылғы 4 желтоқсандағы Жарлығымен жаңадан құрылған Катонқарағай ауданына Ақсу, Жамбыл, Катонқарағай, Маркс, Медведка, Өрел және Чернова ауылдық кеңестері берілді.

Қазақ КСР Жоғарғы Кеңесі Төралқасының 1976 жылғы 1 маусымдағы Жарлығымен Ульянов ауылдық кеңесі таратылды.

Қазақстан Республикасы Президентінің 1997 жылғы 23 мамырдағы Жарлығымен Большенарым ауданы таратылды. Оның аумағы Катонқарағай ауданының құрамына енді.

Аудан 2024 жылдан бастап Үлкен Нарын деген атпен қалпына келтірілді.

Үлкен Нарын ауданының өткені мен бүгіні туралы А. С. Пушкин атындағы Шығыс Қазақстан облыстық кітапханасының баспа және электрондық ресурстарынан таба аласыздар.

Қосымша әдебиеттерді Өлкетану кітапханасынан және Электронды каталогтан қараңыз.
Барлық сұрақтар бойынша Анықтама қызметіне хабарласыңыз.