2027 жылға арналған күнтізбенің толық нұсқасын жүктеп алуға болады.
11 мамыр күні Өскемен қаласындағы А.С. Пушкин атындағы Шығыс Қазақстан облыстық кітапханасында Қазақстанның еңбек сіңірген қайраткері, Қазақстан Республикасы Мемлекеттік сыйлығының лауреаты, жазушы Әлібек Асқаровпен кездесу кеші өтті. Кештің тізгінін ұстаған жазушы, Халықаралық «Алаш» әдеби сыйлығының иегері, Қазақстанның Құрметті жазушысы Қаңтарбев Әлібек ағамыз қаламгердің өмір жолы мен шығармашылығына тоқталып өтті.
2026 жылға арналған күнтізбенің толық нұсқасын жүктеп алуға болады.
29 қаңтар күні А. С. Пушкин атындағы Шығыс Қазақстан облыстық кітапханасында жыл сайын дәстүрлі түрде мерейтойлық және атаулы күндер күнтізбесін ашатын, кітапхананың алдағы барлық іс-шараларына бастау болатын «Ұлы Даланың Ұлы тұлғалары: мерейтойлық энциклопедия-2026» кітап көрмесінің ашылуы өтті.2026 жыл Қазақстан Республикасы Тәуелсіздігінің 35 жылдығы аясында өтеді. Бұл - тарихи естелік, бүгінгі болмыс және болашаққа деген ұмтылысты тоғыстырған, ел тарихындағы айрықша мәнге ие мерейлі кезең. Атаулы дата бүкіл мерейтойлық күнтізбенің мазмұнын айқындап, елдің тарихи және рухани негізін қалыптастырған тұлғаларға деген құрмет пен тағзым рухын тереңдете түседі.
«Абай әлемі» кітаптар топтамасы Шығыс Қазақстан облысы әкімдігінің қолдауымен 2018 жылдан бастап жарық көріп келеді. Осы уақыт аралығында «Абай әлемі» кітаптар топтамасымен оқырмандарын таным мен тағылым дүниесіне жетелер, көркем әдебиеттің кәусар шәрбатымен сусындатар тамаша шығармалар жарық көрді.
Ал биылғы жылы аталған кітап топтамасымен адамзаттың алтын бесігі – Алтай баурайындағы жер жаннаты – Катонқарағайдың киелі топырағында кіндік қандары тамған көркем сөздің қаймағын қаққан, руханияттың шырақшысы болған қос талантты жерлес мерейгер тұлғалар Қалихан Ысқақ пен Дидахмет Әшімханұлының 2-томдық шығармалар жинағы жарық көргенін зор қуанышпен хабарлаймыз.
Кітапханамызға катонқарағайлық жерлесіміз, ұзақ жылдар қауіпсіздік комитеті саласында қызмет еткен, полковник, жастайынан ана тілінің мәйегін қанып ішкен, бірнеше кітаптың авторы Ербол Баянғазыұлы «Өр Алтай арландары» атты кітабын сыйға тартты.
А. С. Пушкин атындағы Шығыс Қазақстан облыстық кітапханасы https://anyz.pushkinlibrary.kz. порталына орналастыру үшін облысымыздың аңыз-әпсаналарын жинау жұмыстарынәрі қарай жалғастырады. Егер Сіздерде облысымыздың жер-су, өзен-көлдері мен тауларының атауларының шығу тарихы туралы қызықты әңгімелер болса («топонимикалық аңыздар» деп аталады); қасиетті орындар мен нақты тарихи тұлғалар туралы аңыз-әңгімелер;бір кездері біздің ауданда өмір сүрген таңғажайып кейіпкерлер туралы әпсаналар болса, бізбен бөлісулеріңізді сұраймыз. Аңыз мәтіндерінкелесі электронды поштаға жіберіңіз: spravka@pushkinlibrary.kz, хабарлама тақырыбына міндетті түрде «ШҚО аңыздары» деп жазуыңызды өтінеміз. Шығыс Қазақстан халықтық мәдениетінің ерекше туындыларын сіздермен бірге сақтап, бүкіл әлемге ежелгі таңғажайып өлке туралы паш етейік!
Сіздердің назарларыңызға Ұлы Жеңістің 80 жылдығы қарсаңында жарық көріп отырған «Ұлы Отан соғысы (1941-1945) жылдарында Еңбек армиясы қатарында болған шығысқазақстандықтар» жинағын ұсынамыз.
Қаншама тар жол, тайғақ кешулі нәубеттерден өткен халқымыздың тарихи кезеңдері көп. Сондай тарих еншісіндегі қacipeтті жылдардың бipi – Ұлы Отан соғысы. Біршама жыл өтсе де сол соғыстың зерттелмеген беттері бар. Соның бірі – Ұлы Отан соғысы кезінде Еңбек армиясының қатарына алынғандар тағдыры, олардың Ұлы Жеңіске қосқан үлесі. Көпшілік Еңбек армиясын тыл еңбеккерлерімен шатастырады. «Еңбек армиясы» деп Ұлы Отан соғысы жылдарында әскери жағдайға байланысты жұмысшы отрядтар қатарына мәжбүрлі еңбек міндеттерін орындау үшін жұмылдырғандарды атады. Еңбек армиясындағы адамдардың тұрмыстық-материалдық жағдайы өте ауыр болды. Олардың тұтқындардан еш айырмашылығы болмады.
