Орыстың ұлы жазушысы Ф.М.Достоевский 1854-1859 жж. аралығында Семей қаласына жер аударылады. Ф.Достоевский 1857-1859жж. пошташы Ляпухинның ағаш үйін жалдап тұрған еді. Ол үй күні бүгінге дейін сақталған және 1971жылы 7мамырда осы көне үйде жазушының

әдеби-мемориалдық мұражайы ашылды. 1976 жылы осы көне ағаш үйге мәскеулік сәулетші В.Ф.Власовтың жобасы бойынша жаңадан жөндеу жұмыстары жүргізілді. Ғимарат сәулетіне ескерткіш ретінде кітап орнатылды. Екі қабатты тастан қашалған құрылым екіге бөлініп, жартылай ашық кітаптың бейнесін береді. Ғимарат қабырғалары «Жазушы бөлмесі» және «Достоевский Петербургі» (суретшілер-В.Гусаков,С.Широков, В.Одноколкин) композицияларымен әшекейленген. Кіреберісте мүсінші Д.Г.Элбакидзенің «Ф.Достоевский мен Ш. Уәлиханов» қола мүсіні орнатылған. Мемориалдық пәтердің интерьері Семей қаласының тұрғыны З.Сытинаның естеліктері негізінде қалыптасқан. Мұражай экспонаттарының ішінде - жазушының алғашқы романдары «Преступление и наказание» (1867ж.), «Подросток» (1876ж.), «Братья Карамазовы» (1881ж.) т.б. шығармалары сақталған.

Ф.М. Достоевскийдің әдеби - мемориалдық мұражайы туралы:

Иманғали , Мейрамтай. Достоевский кімнің ықпалымен құранды зер сала оқыған? [Мәтін] / М. Иманғали  // Дидар. - 2010. - 21 қаңтар. -  С. 7.

Иманғали М. Бейтаныс үйдің тарихы [Мәтін] / Иманғали М. // Жас қазақ. - 2007 . -   8 маусым.- Б.9.

Қосымша ақпаратты

http://abaykray.kz.iatp.net/kultmest%20kaz.htm

Семей қаласының Абай атындағы кітапханасының өлкетану қоры - Beb сайтынан ала аласыздар.