«Абай әлемі» сериясымен шыққан филология ғылымдарының докторы, абайтанушы-ғалым, профессор Қартаева Айжан Маратбекқызының «Абайдың толық адам» тағылымы кітабымен таныс болыңыздар!
Абай - әлемдік дара тұлға, қазақ халқының маңдайына біткен кемеңгер дана, классик ақын, әлемдік ойдың иесі. Абай мұрасы адам тіршілігінің сан саласын қамтып, қазақ халқының өткені мен бүгінін, болашағын ұштастырған өміршеңдігімен, мәңгілік өзектілігімен қымбат.
Абайдың арман еткені-рухани жағынан жан – жақты жетілген-Толық адам.

Абайша – «Толық адам» ыстық қайратты, нұрлы ақылды, жылы жүректі адам. Абайдың армандаған, аңсаған мұрат мақсаттарының ең биік қол жетпес асқар шыңы. Қазіргі уақытта Абайды оқыту арқылы жастардың бойына адами қасиеттердің нәрлі дәнін егуіміз қажет. Адамзат қоғамын Абай ілімімен болашақ ұрпақтың жадына Абай шығармашылығын сіңірумен жастардың дүниетанымы мен жан дүниесіне әсер етіп, ұлтжандылықпен адамгершілікке баулу және ғұлама ойларын жадына тоқыған толыққанды, адамзатты сүйетін, ізгілікті азаматтарды қалыптастыру.
Адамгершілік, ізгілік, еркіндікке негізделген жан –жақты дамыған жеке тұлға қалыптастыруды мақсат еткен бүгінгі білім мен тәрбие берудің қажеттілігін өмірдің өзі туғызып отыр. Ұлттық идеология айналасында келелі-келелі әңгімелер қозғалып, ұрпақ тәрбиесінің басты бағыттарын айқындау мәселесі күн тәртібінде тұр. Ұлттық идеологияның қайнар көзі-халқымыздың өзінде жатыр. Оның ғасырлар бойы жасаған тәлім-тәрбиесі, әдет-салты, жас ұрпағын тәрбиелеу ұстанымынан көрінеді.
«Абайтану» пәні 2013 жылдан бастап мектеп бағдарламасында енгізіліп оқытыла бастады. Абай әлемі түпсіз терең, оған бару үшін үлкен теориялық даярлық, аса сақтық, үлкен жауапкершілік және тынымсыз еңбек керек.
Ол еңбек Абайдың «Толық адам» тағылымы. Абай Құнанбаевтың мораль философиясына негізделген «Толық адам» ілімі қазіргі кезеңдегі жаһандану, ұлттың өзін-өзі тануы, адамгершілік мәселелері тұрғысынан зерделенді. Автор еліміздің рухани-мәдени дамуы жолында Абай тұжырымдаған «Толық адам» ілімінің өзектілігін, маңызын саралап, соны тұжырымдар ұсынады.
Абай дәріптеген терең білім алу, адал еңбек ету, кәсіби дағды, әділдік пен адалдық құндылықтарын қалыптастыру мақсатында бәріміз жұмыла кірісуіміз керек.
Қазақтың ұлттық бесігін тербеткен-шетелдік насихатшылар емес, Ұлы Абайдың шығармалары, қарасөздері, шығыс философиясы. Ұлы Абай –шығыс даласында рухани төқңкеріс бастаған әлемдік тұлға. Біздің міндетіміз-ойшылды сол әлемдік биіктен танып білу және басқаларға да соны мойындату.
Құрметті оқырман, ендеше Абайдың «Толық адам» тағылымы атты кітап сіздің еншіңізде. Кітаппен таныс болайық.