Айтқожин Қ. Қас жауына қарсы шапқан баһадүр / К. Б. Айтқожин. – Өскемен : Арго ШҚПК ЖШС, 2023. - 2014 б.
Автор кітапхана қорына екі кітабын сыйға тартты. Оралхан Бөкей атындағы лицейдің тарих пәні мұғалімі Айтқожин Қайрат Батханұлы білім және ғылым саласындағы ерен еңбегі үшін "Білім беру ісінің үздік педагогы" атты төсбелгімен, Абай медалімен марапатталған. «Қазақстанның мәртебелі ұстазы" атты Республикалық байқауына қатысып, I дәрежелі дипломның иегері.

Тарихтың келешек ұрпаққа берер тәлім тәрбиесі, алар тағылымы да мол болмақ. Өз елінің, туған жерінің тарихын білу келер ұрпақтың басты парызы. Артына өшпес із қалдырған қазақ батырларының бірі де бірегейі - Дәулетбай бабамыз.
Халқымыздың бостандығы мен тәуелсіздігі жолында бүкіл өмірін ат үстінде өткізіп, ұлан байтақ жерімізді жоңғар шапқыншылығынан ақ білектің күшімен, ақ найзаның ұшымен қорғап, бүгінгі ұрпақтарға аманат етіп ту ұстап, тұлпар мінген Дәулетбай бабамыздың ел тарихында алатын орны орасан зор.
«Қас жауына қарсы шапқан баһадүр»,- атты жинақ ерліктің арқауы, ерліктің бастауы болған Дарабоз батыр Қаракерей Қабанбай, Даулетбай би Боранбай т. б. бабаларымыздың ел қорғап, ерлік көрсеткен өмір жолымен таныстыру арқылы, жастардың патриоттық сезімін оятады.
Құрметті оқырман, келіңіздер, кітаппен таныс болыңыздар!