Қазақстан Республикасы Ұлттық ғылым академиясының Вице-президенті және академигі, Л.Н. Гумилев атындағы Еуразия ұлттық университетінің ректоры - Сыдықов Ерлан Бәтташұлы Шығыс Қазақстан облыстық А. С. Пушкин атындағы кітапхана қорына бес кітабын сыйға тартты. Кітаптар ағылшын, қытай, орыс, қазақ тілдерінде. Биыл Шәкәрім Құдайбердиевтің туғанына 160 жыл толуына орай автормен онлайн кездесу болады.

ШӘКӘРІМ –АҒЫЛШЫН ТІЛІНДЕ

Shakarim. The life of Kazakh poet. («Шәкәрім. Қазақ ақынының өмірі»), Shakarim.Poetry. Essays. Шәкәрім өлеңдері, философиялық трактаттар.

Shakarim. The life of Kazakh poet - кітап авторы Сыдықов Ерлан Бәтташұлы. Ағылшын тіліне аударған Лондондағы Шыңғыс Айтматов атындағы академияның өкілі Джон Амор. Кітапта қазақ ақынының өмірі толық суреттелген. Кітапты оқи отырып ұлт тарихының куәгері боласыз. Кітап осыған дейін «Өнегелі адамдар өмірі» сериясымен Молодая гвардия баспасынан қазақ, орыс, түрік тілдерінде шығарылған.

Shakarim.Poetry. Essays - кітапта Шәкәрім өлеңдері мен философиялық трактаттарының ағылшын тілдеріндегі нұсқасы берілген. Кітап авторы Сыдықов Ерлан Бәтташұлы, аудармашы Джон Амор, редакторы Рахима Абдувалиева.

ШӘКӘРІМ - ҚЫТАЙ ТІЛІНДЕ

Кітапты Қытайдың әлеуметтік ғылымдар баспасы шығарды. Кітаптың авторы Сыдықов Ерлан Бәтташұлы. Қытай тіліне аударған Еуразия ұлттық университетінде бірлесіп қызмет атқарған Конфуция институтының қызметкері СУИЯ Ли Сичан. Кітап қытай халқына ұнайтынына мен сенімдімін, себебі Шәкәрім философиясы Конфуция философиясымен, Лев Толстой идеясымен өте ұқсас,- дейді автор. Кітап арқылы Қытай мен Қазақстан арасындағы әдеби байланыстар одан әрі дами береді. Сондай-ақ, «Шәкәрім» кітабының қытай тіліне аударылуы Қазақстан Президентінің «Рухани жаңғыру» бағдарламасы аясында қазақ халқының мәдениеті, әдет-ғұрпы және ұлттық дүниетанымымен кеңінен таныстыруға мүмкіндік беретіні сөзсіз. Миллиондаған қытай халқы кітап арқылы қазақ халқының салт-дәстүрімен, тарихымен, философиясымен таныс болады.

ШӘКӘРІМ ОРЫС ТІЛІНДЕ

«Шакарим» -кітабы «Өнегелі адамдар өмірі» сериясымен Молодая гвардия баспасынан шыққан. Кітапта Шәкәрім өмірбаяны, оның тұлға ретіндегі ақындық, философиялық, тарихи, музыкалық көзқарасы қарастырылған.

ШӘКӘРІМ ҚАЗАҚ ТІЛІНДЕ

«ШӘКӘРІМ» кітабы - Мәскеудің «Молодая гвардия» баспаынан «ЖЗЛ» сериясы бойынша орыс тілінде шыққан «Шакарим» кітабы негізінде өңделіп әзірленді.

 http://imena.pushkinlibrary.kz/…/pisateli-i-poety…/755-.html