17 тамыз 2017 жылы Шығыс Қазақстан облыстық А. С. Пушкин атындағы кітапханада 2017 жылы «Нұрлы әлем» баспасынан шыққан үш томдық «Алтын тұғыр» атты кітаптың тұсаукесері болды. Тәуелсіздігіміздің 25 жылдық мерейтойы қарсаңында көптеген іс-шаралар ұйымдастырылды. «Ауылым-алтын тұғырым» шығармашылық бәйгесінің негізгі мақсаты-әдебиетке бет бұрған жастардың шығармашылығына қолдау көрсету және сол арқылы ауылдың бүгінгі тыныс тіршілігін, табиғатын кең тұрғыда дәріптеу.
Жинаққа үздік танылған поэзия, проза, драматургия жанрындағы туындылар енгізілген. Жинақ «Ауыл» халықтық демократиялық патриоттық партиясының қолдауымен шықты. Жинақтың тұсаукесерін өткізуге «Агро» ассоциациясының президенті Манақов Жомарт Нұқанұлы, Шығыс Қазақстан облысы бойынша «Ауыл» партиясының жетекшісінің орынбасары Арынханов Камал Миятұлы, «Ауыл» партиясы филиалының Өскемен қаласы бойынша жетекшісі Козлов Николай Ивановичтер қатысып, бәйгенің онлайн түрінде өткенін, қазіргі интернет кеңістігі арқылы ауылды насихаттауға жақсы мүмкіндік болғанын айтты. Барлығы 219 шығарма, драматургия жанры бойынша 18 шығарма, проза жанры бойынша 79 туынды, 122 өлең поэзия жанры бойынша тіркелген. Тек Қазақстандықтар ғана емес Моңғолия, Қытай елдеріндегі ақын –жазушыларда ат салысты.
Кездесу соңында шығармашылық бәйгені – жыл сйын өткізіп тұруды әдетке айналдырса деген тілек айтылды. Шығыс Қазақстан облыстық А. С. Пушкина атындағы кітапханаға, Оралхан Бөкей атындағы орталықтандырылған кітапханаға кітаптар сыйға тартылды. Кітапхана директорының орынбасары-Шагиева Бибигул Жамбыловна – ауыл кітапханаларымен жүргізіліп жатқан әдістемелік орталықтың жұмысына тоқталды. Ауыл кітапханаларының барлығы интернет желісіне қосылған. Сондықтан мектеп кітапханаларында интернет болса нұр үстіне нұр болар еді деген тілектер айтылды. Елбасының биылғы «Қазақстанның үшінші жаңғыруы: жаһандық бәсекеге қабілеттілік» атты жолдауында рухани жаңғыру ұлтты жарқын болашаққа жетелейді делінген. Сондықтан бұл кітаптардың оқырманға, жастарға тигізер пайдасы зор.
Шығыс Қазақстан облыстық А. С. Пушкин атындағы кітапхананың
бас библиографы Уалханова Рақия Нұралықызы
|
|
|
