Қытайдағы Қазақ автономиялық өлкесінің әдебиет, фольклор жанашыры журналист, Асқар Игенұлы мырза кітапхана қорына әдебиет пен этнографиялық деректер, фольклорлық зерттеулер тоғыстырылған тоғыз том кітапты сыйға тартты.
Ақын –жазушылар мұрасын жинақтаған Асқар Игенұлы осы еңбектерін қазақ хандығының құрылғанына 550 жыл толуына арнаған екен. Әріпжан Жанұзақұлы, Кәрібай Таңатарұлы, Әсет Найманбаев, Ауған Жақсылықұлы, Күнболат Қамзаұлы сияқты ақындардың тағдыр -талайлы өмір жолынан сыр шертіп, бұрындары беймәлім болып келген жырлары топтастырылған. Кітаптарда «Біржан - Сара» айтысының жаңа нұсқасы, Дөртуыл шежіресі туралы зерттеулер, қытай қазақтары арасынан шыққан тарихи тұлғалар туралы тың деректер қамтылған.
Асқар Игенұлының еңбектерінде тарихи шындықтардың сорабы айқын, құрылымы жинақы, тілі шұрайлы, жатық жазылған.
Аңыз бен ақиқат арасында көмескі қалған шындық беті ашылып, әдебиеттегі ақтаңдақ беттерді қалыптастыруға септігін тигізетін бағалы еңбектер.
 |
 |
 |
 |
З. Слямова
|
|
|
