Мүмкіндігі шектеулі, мүгедек балалар мен қарттарға арнайы әлеуметтік қызмет көрсету жөніндегі өңірлік орталық мамандары БАИ аясында кітапхана қабырғасында өтетін ақпараттық-оқыту семинарларына қатысып, үнемі кәсіби деңгейлерін көтеріп отырады.

15 наурызда семинарға облыс аудандарынан 9 маман қатысты. Семинар барысында тыңдаушыларға әлеуметтік жұмыс пен бейімдеу және интернеттегі пайдалы ресурстар жайлы ақпарат берілді. Сондай-ақ, мемлекеттік қызметтер сайты бойынша мастер-класс өткізілді http://egov.kz.

Мамандар кітапхана сайтының әр бөлімімен жіті танысты: Шығыс Қазақстан өлкетануы http://kray.pushkinlibrary.kz, Шығыс Қазақстан: танымал есімдер http://imena.pushkinlibrary.kz/ru/, Біздің Абай http://irbis.pushkinlibrary.kz:8087/jirbis2/index.php?lang=ru, аудан кітапханаларындағы Онлайн орталық қызметтерімен, Виртуалды заңгер кеңесі http://pushkinlibrary.kz/ru/online-centers.html және Виртуалды анықтамалық қызмет http://pushkinlibrary.kz/ru/sprosy.htmlжайлы мәлімет алды.

Барлық семинарға қатысушы кітапхананың оқырман билетін иеленді.

Қарлыгаш Сәрсембайқызы Ысқақова, Новошүлбі, Бородулиха ауданы:

- «Кітапхана үлкен әсер қалдырды: заманауи интерьер, қолжетімді стеллаждар, кітаптар мен журналдар, ақысыз электронды кітапхана. Барлық бөлім жайлы. Кітап оқып немесе компьютерде біраз отырған соң, велотренажерде жаттығып, бір сергіп алуға да болады. Оқырмандарға қызмет көрсетуде барлығы заманауи технологиямен қамтылған. «Алаш қозғалысына – 100 жыл» көрмесінен мен үшін бұрын беймәлім болған фактілер мен Алаш қайраткерлері жайлы құнды мәлімет алдым. Алдағы уақытта сіздердің кітапханаларыңыздың сайтына кіріп, виртуалды қызметтерді пайдаланатын боламыз».

Юлия Фатиховна Мухамедиева, Үлкен-Нарын, Катонқарағай ауданы:

- «Кітапханадағы Мамандандырылған қызмет залы (ерекше мұқтаж жандарға) мен «Шеберлер мектебі» ерекше қызығушылық тудырды. Салауатты өмір салты әдебиеттері залы спорттық тренажерлармен таңғалдырды.

Кітапхананың виртуалды қызметтері мен egov.kz сайтындағы онлайн мемлекеттік қызметтер жайлы біршама ақпарат алдық. Сондай-ақ, мен үшін коммуналды төлемдерді онлайн төлеу туралы мәлімет өте пайдалы болды. Келешекте міндетті түрде пайдаланатын боламын».