Қазақ Географиялық Қоғамының Өскемендегі бөлімі шығарған бұл жинақтың бірінші шығарылымы алғашқы қазақ ғалымы, ағартушы-демократ, тарихшы, этнограф, фольклоршы Шоқан Уәлихановтың Қашқарияға жасаған ғылыми маңызы зор экспедициясының 150 жылдығына арналған.

Қашғар экспедициясының мерейтойына арналған кітаптың кіріспесінде ғалымдар Шоқанның географиялық ерлігін, оның күнделік жазуларының ерекшеліктерін сөз етеді.

Қашғар (бүгінгі Қытайдың Синьцзян-Ұйғыр автономдық ауданы) көп уақытқа дейін Еуропа үшін жабық болды: қорқыныш пен еуропалықтарға деген сенімсіздік, діни дәстүрлер бұл елді ғылыми зерттеуге мүмкіндік бермеді. Ш. Уәлихановтың тапқан ғылыми мәліметтері Шығыс Түркістан мен Жоңғарияның табиғаты, тарихы, экономикасы, этнографиясы, сауда жолдары, саяси жағдайы туралы өте бай материалдар болып табылды. Шоқан Шығыс тарихына байланысты сирек кітаптарды және бірқатар бірегей қолжазбаларды қолға түсірді, мынадай жәдігерлерді жинады: ежелгі грамоталарды, қолданбалы-декоративтік өнері мен көркем керамика үлгілерін, гербарий, тау жыныстарын, нумизматиканы құрастырды. Өзінің азаматтық және ғылыми ерлігі үшін Шоқан Уәлиханов 3-ші дәрежелі Анна және 4-ші дәрежелі Владимир ордендерімен марапатталды.

Сонымен бірге шығарылым мынадай тараулардан тұрады: «Физическая география», «Геология, горное дело и металлогения», «Геоэкология», «Экономическая география», «Образование и наука», «Рекреация и туризм», «История исследований». Бұл Шығыс Қазақстан облысының жетекші ғалымдары мен жоғары оқу орны түлектерінің біздің өлке туралы ғылыми басылымдары. Тақырыптар алуан түрлі: Шығыс Қазақстанның шаруашылығының негізгі салаларының қоршаған ортаға әсері, Үлкен Алтай геология мен металлогениясының негізгі аспектілері, Оңтүстік Алтай ландшафтысының геоэкологиялық ерекшеліктері, АҚ «Қазмырыш» кәсіпорындарының экологиялық-экономикалық қызметі, Шығыс Қазақстандағы емдеу-сауықтыру туризмі мәселелері және оны дамыту келешегі.

Кітаптың электрондық нұсқасы Өлкетану электрондық кітапханасында орналасқан.