Биыл Аягөз ауданының тумасы, журналист, жазушы – Қайым-Мұнар Табеевтің туғанына 60 жыл толды.

Қайым-Мұнар Тұрдақынұлы - Қазақстан Жазушылар Одағының және Қазақстан Журналистер Одағының мүшесі. «ХХ ғасырдың обасы», "Байғазы", «Мұзда жанған алау», «Үш күннің дерекнамасы», «Қайсар рухты қазақ», «Қазақтың желтоқсаны» атты кітаптарымен кеңінен танылған. Бұдан өзге де баспасөз бетінде жарияланған 300-ден астам ғылыми-танымдық мақалалары бар. Шығармашылықтағы қызметі үшін Республикалық бірнеше баспасөз конкурстарының бас жүлдесін иеленіп, 1989 жылы ҚР Ұлттық Ғылым Академиясының "Жас зерттеушілер" сыйлығының, 1990 жылы Қазақстан Журналистер Одағы сыйлығының, 1994 жылы Қазақстан Жастар Одағы сыйлығының лауреаты атанды. "Астанаға 10 жыл", "Тәуелсіздікке 20 жыл", "ҚР Конституциясына 20 жыл" медальдарымен, "Желтоқсан-25" төсбелгісімен, ҚР Президентінің Алғыс хатымен, "Нұр Отан" партиясы Төрағасының Бірінші орынбасарының және Алматы қаласы Әкімінің Құрмет грамоталарымен марапатталған.