Полигон Семей қаласынан 130 км. қашықтықта, Шығыс Қазақстан, Павлодар, Қарағанды облыстарының шекаралас жерінде орналасқан. 18500 кв. км. жерді алып жатыр. Семей облысында  1949 жылғы 29 тамызда  әлемде жергiлiктi уақыт бойынша таңғы сағат жетiде 38 метр

биiктiкте қуаты 22 килотонналық алғашқы ядролық сынақ өткiзiлдi.

 40 жыл iшiнде Семей аймағы жүзден астам әуе, жер үстi, жер асты жарылыстарының салдарынан үлкен экологиялық апатқа ұшырады. Полигонда 456 ядролық жарылыстар өткізілді.  30400 кв. км. жер жарамсыз болып бүлінді. Радиациалық сәулелендіру алған адамдар миллионнан асады. 1989 жылы әйгілі қазақ ақыны, қоғам қайраткері Олжас Сүлейменов ядролық сынақты тоқтату үшін қолынан келгеннің бәрін жасап, Невада-Семей қозғалысын құрды. 1989 жылы 19 қазанда Қазақстан тарихындағы ақырғы сынақ болды. 1991 жылғы 29 тамызда ҚР Президенті Н.Ә.Назарбаев "Семей ядролық сынақ полигонын жабу туралы" № 409-шы Жарлыққа қол қойды. Мемлекетіміз ядролық жарылыстар салдарынан жәбірленушілер үшін үнемі әлеуметтік сауықтыру шараларын жүргізіп келеді. Бұл мақсатта 34 миллиард теңге қаржы жұмсалды. Бұрынғы Семей ядролық сынақтар полигоны мәселесінің шешімін табу туралы 2005-2007 жылдарға арналған кешенді бағдарламасын бекіту туралы 2005 жылы қыркүйекте Қазақстан Республикасы Үкіметінің қаулысы қабылданды. 2009 жылы Семей ядролық сынақ полигонының жабылуына 20 жыл толуына байланысты, салтанатты жиынға  қатысқандар  29 тамызды Дүниежүзлік  ядролық қарудан бас тарту күні деп жариялауды өтініп, БҰҰ-на  ұсыныс жасады.

Әдебиеттер:

XXI век - без ядерного оружия [Мәтін], 2001. - 80  б.

Назарбаев Н. "XXІ ғасыр-ядролық қатерден құтылатын ғасыр [Мәтін] / Назарбаев Н. // Заң. - 2001. - 5 қыркүйек.- Б.1,3

Сағымбаева Н. Зардаптарды жою үшін қажырлы күрес қажет [Мәтін] / Сағымбаева Н., Ысқақов Ғ. // Сарыарқа. - 1999. -  1 сәуір.- Б.2-8

Храпунов В. Қазақстан: ядролық қарусыз он жыл [Мәтін] / Храпунов В. // Семей таңы. - 2005. -  29 сәуір.- Б.5

Қосымша ақпаратты:

http://www.mediavko.kz/didar/node/413

http://www.mediavko.kz/didar/node/414

Шығыс Қазақстан облыстық «Дидар» газеті

http://www.abai.kz/content/aza-standa-y-yadroly-poligonny-zhabyluyna-nevada-semei-antiyadroly-oz-alysy-lken-les-osty-na

abai.kz – ақпараттық порталы - Beb сайтынан ала аласыздар.