«Звено Алтая» әдеби үйірмесі 1921 ж. Өскемен қаласында «Советская власть» уездік газетінің редакторы Н.И.Иванов пен Воровский ат. педтехникумның оқытушысы, жас ақын Г.А.Тотиннің басшылығымен құрылды. Оларға жол көрсетіп қолдаған,уездік партия комитетінің хатшысы - П.П.Бахеев (П.П.Бажов) болды.Әдеби үйірме құрамында ұйымдастырушылармен бірге   Б.Н.Лапин, М.Ф.Иванусьев,А.Г.Федотов болды.

Әдеби үйірме мүшелері көбінесе педтехникум ғимаратында немесе газет редакциясында бас қосып отырған. Үйірме құрамына әр жылдары Воровский ат. педагогикалық техникумның оқытушылары мен оқушылары кірген:  Б.Лапин, И.Филиппов, Д.Черепанов, Т.Смоляков т.б. Үйірме жиындарына А.М.Волков, Е.Н.Пермитин, Е.Л.Худяков, С.Н.Герасимов т.б. жиі қатысатын.  «Звено Алтая» атты ауызша әдеби-көркем журналы жарық көріп тұрды. Жас ақындар өздерінің қойылымдарын көркем сөз, плакат үгіт-насихаты, күлдіргі өлеңдері бар «Живой газет» типінде құрады. Жиналған қаражат балалар үйіне, ашыққан адамдарға көмек көрсетуге жіберіліп отырған. 1928жылы Сібір жазушылар Одағының баспасынан «Звено Алтая» проза мен поэзиялар жинағы 500 данамен жарыққа шықты. Әдеби үйірме Н.Иванов (Н.Анов), М.Иванусьев, (М. Алтайский), А.Афанасьев (Ал. Алейский), Д.Черепанов, Е.Худяков, Б.Лапин тәрізді алты әдебиетшілер үшін өте маңызды болды. 1929ж. үйірме жетекшісі Б.Лапиннің қаладан кетуіне байланысты оның қызметі тоқтатылады. 1937ж.үйірмені Яков Ушанов жайлы пьесаның авторы С.Н.Герасимов қайта жандандырады. 1959-1982жж. үйірмеге ақын М.И.Чистяков жетекшілік етті. Ал, 1982-1991жж. үйірмені КСРО жазушылар Одағының мүшесі Б.В.Щербаков басқарды. 1999ж. қалада прозаик, әрі публицист А.И.Егоровтың жетекшілігімен «Феникс» атты әдеби үйірме ашылды. 2000-2001ж. «Восток» журналының екі нөмірі жарыққа шықты. 2003жылы бірлестік қоғамдық үкіметтік емес ұйым ретінде заңдық статусқа ие болып, бастапқы «Звено Алтая» атауын қайтарып алады. 2010 жылдан  «Звено Алтая» әдеби бірлестігін ақын Н.Матвеева басқарады.