Өскемен қаласының іргесіндегі Ахмер ауылының атауы қайдан шыққандығы жөнінде нақты дерек жоқ. Өткен ғасырдың алпысыншы жылдары бұл ауылда әскери бригада құрылып, маңайындағы аумақ әскерилерге саяжай ретінде беріле бастаған. Ауыл тарихын қазбалай келе Тарбағатай ауылының Жетіарал ауылынан көшіп келген Ерғалиев Қанапиямен жүздестік. Алпысты алқымдаған Қанапия ағамыз ауылдың неліктен Ахмер атанғаны жөнінде былай сыр шертеді.

Осыдан бірнеше жыл бұрын ескі Ахмерде жасы тоқсанға келген Қапан есімді қария тұрған. Бip білсе сол кісі біледі деп ойладым да, үйіне іздеп бардым.. Барсам ақсақалды кәрілік жеңген екен: құлағы естімейді, көзі көрмейді. Tiл табысу өте қиын болып отырғанда оның бәйбішесі "қарағым, нені білгің келеді?" деп әңгімемізге араласты.

Мен Ахмер ауылының атауы қайдан шыққанын сұрадым. Апамыз маған әпкесінен ecтіген әңгіме сырын ағытты. "Осы ауылды орыстардың жаулап алуынан қорғап қалган Ахмер деген молда болыпты" деп әңгімесін бастап еді. Қапан ақсақалдың бәйбішесі - "Epтic өзенінің бойындағы құнарлы жерлердің барлығын орыстың көпестері иемденіп, қазақтарды жазық далаға ығыстырып жатқан кезде Ахмер деген молда қайткен күнде орыстарды қазаққа тиістермеудің амалын ойластырыпты.

Ол білімді адамдармен ақылдаса келе ауылда сауда дүкені, мешіт, не болмаса медресе болу керек деп шешіпті. Сол шешімге нық бекіп, Ахмер молда үш күннің ішінде халықты ұйымдастырып, ағаштан мешіт тұрғызыпты. Айналаның бәрі тал-терек болғандықтан, ағаш тауып құрылысты жүргізу қиынға соқпаған. Ұйымдасқан жұрт үш күннің ішінде мешіттің азан шақыратын мұнарасына дейін көтереді. Содан орыстар мешіт бар ауылға тиіспей айналып өтіп, қазақтар ата қонысынан кешпей аман қалады. Ал Ахмер молданың қашан өлгені туралы дерек жоқ", - деп сөзін аяқтаған еді aпa.

Қапан қарияның жұбайы мынадай тағы бip дерек алға тартады. Молданың көзі кеткеннен кейін мешіт сол адамның атымен "Ахмер мешіті" деп аталып кетеді. Содан бipaз жылдың ішінде Кеңес үкіметі толық орнығып, большевиктер (мешітті үкімет үйі eтіп алмақ болған) ауылдағы Абзал деген есер соқтау азаматты үгіттеп, "азан шакыратын мұнарасын бұз" деп тапсырма берген. Жалған ұранның буына мастанган ақылсыз Абзал мешіттің төбесіне шығып, мұнарасын тас-талқан етіп бұзып, қасиетті орынды кеңсеге айналдырыпты. Meшітті қиратып, елдің қарғысына іліккен Абзал екі| аяқтан мүгедек болып, жылга жетпей көз жұмады. Содан кейінгі жылдары ескі мешіт ферманың кеңсесі болған. Қазipri уақытта ескі Ахмердің ортасында аялдама бар. Соның Семейге шыға бepic күнбатыс жағында қызыл кірпіштен қаланған медпункт тұр. Сол нысан - бұрыңғы мешіт болған екен

Ахмер молданың руы - қожа болыпты. Қожалардың apғы тегі - ирандықтар. Оларды қазақтар "Қызылбастар" деп атап, eшбip руға жатпайды деп санаған. Қожалар ертеде қазактың жеріне ислам дінін тарату үшін келген екен. Өздеріекіге бөлінеді.Үйленген азаматтыңәйеліқожа болса - ұрпағын "таза қанды қожа" дейді.Үйленгендердіңбipi қожа болмаған жағдайда олар "араласқан қожа" атанады. Қожалар бір-бірінен қыз алуды жөн деп біледі.Ipreci жыл өткен сайын кеңейіп, халқының саны күн санап өcin келе жатқан Ахмер ауылының осылай аталуыныңбiз білетін сыры міне, осындай!

Өрібаев, А. Ахмер атауы қайдан шыққанын білесіз бе? / А. Өрібаев . - Мәтін // Менің өлкем . - 2016. - 25 ақпан. - Б. 7.