Ақбұлақ ауылы (бұрынғы атауы Горный) аудан орталығы Күршім ауылынан оңтүстік-шығысқа қарай 96 км-дей жерде орналасқан. 1885 жылы Ақбұлақ ауылының іргесі қаланды. Ақбұлақ ауылдық округіне қарасты жерде 1957 жылға дейін төрт колхоз, үш үлкен кен шығаратын өндірме орналасқан. Олардың қатарында: «Жданов», «Заветы Ильича», «Красный партизан», «Алтай», колхоздары. «Жалаңаш» өндірмесінде күміс, қола өнімін, «Жыланды» өндірмесінде алтын өнімін, «Ащыбұлақ» өндірмесінде қола өнімін өндірген. Жалаңаштан металдың рудасын Самар ауданы «Казолованың» орталығына тасыған. Ащыбұлақ учаскесінде Тақыр-Қарасу өндірісі ұйымдастырылды

Ұлы Отан соғысы жылдарында Ащылыбұлақ артелін Жақсыбаев Сейітбаттал басқарды, жұмыстардың барлық түрі қолмен іске асты. Ертеректе Жыланды учаскесінде алтын өндірісі өркендеді. Ұлы Отан соғысы аяқталғаннан кейін Қаршыға жерінде қола өндірісі ұйымдастырылды.

«Жданов атындағы» ұжымшарының және «Завет Ильича» ұжымшарының төрағасы болып кеңшар құрылғанша Ұлы Отан соғысының мүгедегі, екі дүркін «Даңқ» орденімен марапатталған Зайнулдинов Жәнабіл істеді, бригадиры және орынбасары болып Әбіл Бурақанұлы Дәрібаев жұмыс істеді.

«Завет Ильича» колхозының қой фермасының бастығы ҰОС ардагері Райымханов Сембай зейнеткерлікке шыққанша мал шаруашылығында басшы қызметтерінде жұмыс істеді. Майтеректе «Красный партизан» колхозының төрағасы болып Шөкеев Өмір, Бақайда (қазіргі Алтай ауылында) колхоз бастығы Александренко Н.Ф 1958 жылы «Горный» кеңшары құрылды. Кеңшардың алғашқы басшысы Стеценко Илья Симонович 1958-1976 жылдар аралығында жұмыс істеді. 1976 ж. бастап кеңшарды Бекболат Бурабайұлы Дәрібаев басқарды. 1984-85 жж. қорытындысы бойынша кеңшар ұжымы КПСС орталық комитетінің, КСРО Министірлер кеңесінің және ВЛКСМ орталық комитетінің ауыспалы қызыл туыменен және мақтау қағазымен марапатталды.

А.Тілеукенов, Х.Бояубаев, Ж.Рахымжанов, С.Қ Исин, С, М. Кеншінбаев, Ы. Аубакиров, Г. Қомшабаева, А. Капитанов, А. Асанов,   Б. Қ Аубакиров, Қ. Толықпаев, Б. Карипбаев, П.Г Нохрин, Қ. Елеусізов, Д. Исина, Б. Зайнулдинов, С.Кемешев сияқты азаматтар кеңшар жұмысына еңбегі сіңіп, туған өлкені дамытуға үлес қосты.

Совхоздың мал шаруашылығы дамуына көп еңбек сіңірген ферма меңгерушілері қатарында: П.Л Ледышев, Т. Аменов, Ж. Зайнулдинов Р. Чепеновты, мал дәрігерлері-Қасымов.Ч, Кокумбаев.С, Райымбеков.С, Ахметов. Қ. Совхозда бала жастарынан малдың соңында жүріп еңбек етіп 100 аналық саулықтан 100-160 дейін төл алған майталман қойшылар-Ақтанов Сабырбек, Мусин Мұрат, Мақтиев Шериаздан, Тілемісов Оразай, Разиев Төлеубай, Жұмжұманов Аскей, Асанов Қалкеш, өр сиырдан басына-бас бұзау алған сиыршыларда қатарында-Аубакиров Мұқамади, Жауғашаров Сағынбай, Сабитов Закен.  

Бұл адамдардың әрқайсысы өз ісіне анық берілген шаруашылықтың, ауданның көрсеткіші мен беделін асқақтатып отырды десек артық айтылмағандық болар еді. Еңбектеріне орай жыл сайынғы орден, медальдардан да кенде қалған емес. Ал 1990 жылы Ақтанов Сабырбектің 40 жылдан астам еткен нәтижелі еңбегі ескеріліп Елбасы Н.Ә Назарбаевтың қолынан Еңбек Ерінің алтын жұлдызы мен Ленин орденін алуы бүкіл ауданның қуанышы болып тойланды.

1997 жылы нарық заманына сай жекешелендіру аясында кеңшер тарап,  44 шаруа қожалығын құрды, мал, жер, техника жұмысшыларға тиесілі үлесі түрінде таратылып берілді. Нарықтың алғашқы жылдары ауыл тұрғындарына ауыр тиды. Жұмыссыздық, мал басының күрт азаюы ауыл адамдарын қала маңына қоныс аударуға мәжбүрледі. Ауыл халқы азайып, әлеуметтік жағынан арта қалып жатса де Ақбұлақта әлі де түтінін түзу ұшырып отырған елжанды азаматтар тұрып жатыр...

Жауғашаров, Ғ. Ауыл тірлігі қандай? : [Марқакөл ауд. Ақбұлақ ауылындағы халықтың әлеуметтік жағдайы] / Ғ. Жауғашаров. // Дидар. - 1995. - 31 қазан.

Зәкәрия, Х. Бесобаның басында кездестік : Ақбұлақ ауылдық округіне қатысты археологиялық қазбалар туралы / Х. Зәкәрия . // Дидар. - 2017. - 17 тамыз. - Б. 9.

Саманова С. С. Құт қонып, бақ дарыған Ақбұлақ. - Өскемен: Рекламный Дайджест, 2015. - 244 б.