(1903-1975)

Юр Андрей Карлович – ұлты эстон, 1903 жылы Ленинград облысының Валдай қаласында дүниеге келген. Содан кейін ата-анасымен бірге солтүстікте тұрды.

1942 жылы отбасымен Омбы облысына көшіп келеді. Сол жылы еңбек армиясына шақырылып, Омбы қаласында Баранов атындағы танк (немесе авиация) зауытында соғыстың соңына дейін жұмысшы болып жұмыс істеді.

Олар барақтарда өмір сүрді. Бөлмелері жер астында болды, ал жердің үстінде кішкентай терезелер орнатылған болатын. Кейінірек кейбіреулерге жалдамалы пәтерлерде тұруға рұқсат етілді. Андрей Карлович те пәтер жалдап тұрды. Кейде оларға 1 күндік демалыс беретін, уақыт тығыз болғандықтан отбасына бара алмайтын.

Еңбек армиясынан босаған соң 1949 жылға дейін Омбыда, колхозда әртүрлі жұмыстарды істеді. Содан кейін ол жалданып, Қиыр Шығысқа Приморск өлкесіне кетті, балық аулау саласында жұмыс істеді. Ол жерде 5 жыл тұрды. 1954 жылы Омбыға оралды.

1959 жылы Қазақстанға, Герасимовка (қазіргі Төлеген Тоқтаров) ауылына («Красный пахарь» атты колхозға) көшіп келді. Колхозда әртүрлі жұмысшы болып жұмыс істеді.

Андрей карлович Юр 1975 жылы қайтыс болды.

PS. Герасимовка ауылының тұрғыны, қазіргі зейнеткер, бұрын Төлеген Тотаров округінің электригі болып жұмыс істеген - ұлы Юр Александр Андреевичтің (1935 жылы туған) айтуы бойынша жазылған.

Фотосуреттер сақталмаған.