Өлкетану қорында жергілікті журналист Мәуітқазы Зүкенұлының оннан астам кітабы бар. Қаңтар айында жаңа кітабы «Сөзі сүбелі, жыры жанға жақын ақындар» атты кітабы қорға қосылды. Кітап Сәрсен Аманжолов атындағы ШҚМУ-дың «Берел» баспасынан шыққан.
Сырлы тарих пен шежіреге тұнған Шығыс өңірі қашаннан тарихи тұлғалар, суырып салма ақындар мен шебер сөз зергерлеріне бай. Олардың ішінде жас ұрпаққа жария етілмей, тасада қалып қойғандар қаншама?
Қарт журналист Мәуітқазы Зүкенұлының «Сөзі сүбелі, жыры жанға жақын ақындар» атты жинағында осы ақтаңдақтардың орнын толтырар мағлұматтар көп- ақ. Аты аңызға айналған ақындар Уәйіс, Сабырбайдан бастап, бүгінгі республикаға аты әйгілі айтыскер ақындар – Қалихан, Мақан, Ғаббас, Дәмештер туралы қызықты ой-деректер баршылық.
Сөз қадірін түсінер оқырман, кітап Сізге арналған!
|
|
|
