Қазақ –түрік лицейінің 10 сынып оқушылары кітапханада ұйымдастырылған «Алаш қозғалысына -100 жыл» кітап көрмесімен танысты.

Кітапхана қызметкері З. Мұхтарханқызы алаш қозғалысы тарихына тоқтала отырып, Қазақстан ұлттық мемлекетінің идеяларының қалыптасуы Алаш қозғалысының идеясынан және Алаш партиясының бағдарламасынан бастау алғанын тілге тиек етті.

Алашорда үкіметінің саяси процестегі ақ гвардияшылдармен және Совет өкіметі арасындағы қарым-қатынастары, Алаш зиялыларының Алаш қозғалысындағы рөлі, мұралары туралы әңгімеледі. Оқушылар көптеген сұрақтарына жауап алып, «Алаш» деректі фильмін тамашалады. Кітапханада жаңадан ашылған «Тұңғыші Президент- Елбасы кітапханасының оқу залымен» танысты.