СЕРІКБАЕВ ДӘУЛЕТ МЫРҚАСЫМҰЛЫ

1921-1972

1921 жылы 19 қарашада Алматы облысы Кеген ауданы Жалаңаш ауылында дүниеге келген. Ұлы Отан соғысына қатысушы. 1952 жылы Қазақ мемлекеттік ауыл шаруашылығы институтын «инженер-механик» мамандығы бойынша бітірген. 1955 жылдан 1958 жылға дейін Қазақ мемлекеттік ауыл шаруашылығы институтының «Машиналарды пайдалану» кафедрасының аспиранты, ассистенті, аға оқытушысы болады. 1958 жылғы тамыздан 1962 жылғы маусымға дейін-жаңадан ұйымдастырылған Өскемен құрылыс-жол институтының ректоры болып тағайындалады. Д. Серікбаев бірінші басшы ретінде ЖОО-ның оқу-тәрбие және ғылыми жұмысын жолға қойды, институтты жоғары білікті мамандардан тұратын кадрлармен жасақтады, материалдық-техникалық базасын кеңейтті және нығайтты, бұл айтарлықтай дәрежеде УКСДИ-ді республиканың ірі ЖОО-ның біріне айналдыруға ықпал етті.

Д. М. Серікбаев КСРО Жоғарғы Кеңесінің Президиумымен КСРО — ның екі орденімен және төрт медалімен, оның ішінде 1961 жылы — КСРО-ның жоғары білім беру саласындағы еңбегі үшін «Құрмет Белгісі» орденімен марапатталды. Ол бірқатар ғылыми еңбектердің, оқулықтар мен оқу-әдістемелік ұсынымдардың авторы.

Луговая көшесі Серікбаев атындағы көшеге өзгертілді.

________________________________

Мұрағат мәліметтері

Д.М.Серікбаевтың жеке ісі (ф.19-п, оп.1, д.1099)