ПЕРМИТИН ЕФИМ НИКОЛАЕВИЧ

1896-1971

Шығыс Қазақстан облысы дарынды да танымал көптеген прозашылар мен ақындардың мекені. Олардың ішінде көрнекті кеңес жазушысы Ефим Николаевич Пермитин де бар. Ол «Горные орлы», «Раннее утро», «Первая любовь», «Поэма о лесах», «Ручьи весенние», «Когти», «Страсть», «Друзья» және тағы басқа туындылардың авторы.

Ефим Николаевич Пермитин 1896 жылы Өскемен қаласында дүниеге келген. 1913 жылы бастауыш мектеп мұғалімі атағына емтихан тапсырады, 1915 жылы әскер қатарына шақырылады, Қазан төңкерісінен кейін туған қаласына оралады. Е.Н. Пермитиннің бүкіл өмірі мен шығармашылығы автордың туындыларына арқау болған кенді Алтаймен тығыз байланысты.

Ефим Пермитин «Охотник Алтая» журналының редакторы болды, оның алғашқы нөмірі 1923 жылдың қаңтарында жарық көрген. Журнал беттерінде М.Зверев, А. Волковтың шығармалары, Е. Пермитиннің алғашқы өлеңдері, әңгімелері, суреттері жарық көреді.

1975 жылдың желтоқсанында, Е.Н.Пермитиннің туғанына 80 жыл толуы қарсаңында, Өскемен қаласындағы Садовая көшесі оның есімімен аталды.

_________________________________________

Мұрағат мәліметтері

Өскемен қаласының көшелеріне атау беру туралы қалалық атқару комитетінің шешімі (ф.1, оп.3, д.1013, л.85)

Е.Н.Пермитиннің жеке қоры (ф.434)

Е.Н.Пермитиннің өмірі мен шығармашылығына қатысты құжаттар (мақалалар, С.Е.Черныхтың жазушы ағасымен және ұлымен жазысқан жазбалары, фотосуреттер) (ф.50, оп.1, д.268, д.269, д.691; ф.752, оп.2, д.650)