28 қыркүйек – Өр Алтайдың асқақ жыршысы Оралхан Бөкейдің туған күні. Көзі тірі болса Оралхан ағамыз 75- ке толушы еді.

Оралхан шығармалары Алтай өлкесінің Гимні іспеттес. «Менің повестерімдегі, әңгімелерімдегі барлық сюжеттер туған жер туралы естеліктер, жас шақтағы болған оқиғалармен байланысты. Менің жерлестерім қазақтар – мінездері бір қалыпты, адал және жүректері ашық адамдар. Әйтеуір, не жазсам да өз заманымды, сол заманда табан ет, маңдай терін жұмсап жүрген қарапайым еңбек адамдарын тілге тиек етуге тырыстым», – деп жазған автордың шығармаларымен танысып, қайта оқығыңыз келсе біздің кітапханаға келіңіз!

«Өр Алтайдың кербез жыршысы» атты кітап көрмесінде жазушының әр жылдары жарық көрген кітаптарымен қатар алғаш қалам ұстаған тырнақалды дүниелері – өткен ғасырдың 60-70 жылдарында республикалық басылым беттерінде жарық көрген мақалалары топтастырылған.

«Кербұғыға» мініп, «Мұзтауға» шығып»,«Текетіресті » торуылдап, «Қар қызымен» жолығып, « Қасқа құлын» өсіріп, «Сайтан көпірді» бұзып, «Құмдағы шағылдарды» аралап, «Өз отыңды өшірмей», «Бәрі де майдан» хикаятында жүргіңіз келсе, кітапханаға асығыңыз.