6 қазанда А.С. Пушкин кітапханасының қызметкерлері Өскемен қалалық әділет басқармасы АММ-не «Еркін елдің кемел тұлғалары» атты кітап көрмесімен барып қайтты. Басқарма қызметкерлері тәуелсіз Қазақстанның тарихымен, оны әлемге танытқан танымал тұлғалар өмірімен танысты.

Жәнібек пен Керей хан, Абылай мен Жәңгір, Кенесары мен Әбілқайыр сияқты тарихта аты қалған хандар, Әйтеке мен Төле, Қазбек билер, тәуелсіздік жолында қан кешкен батырлар Қабанбай, Бөгенбай, Махамбет, т.б. туралы сыр шертетін кітап көрмесі қызығушылық туғызды. Кітапхана қызметкерлері ерте заманнан күні бүгінге дейінгі қазақ тарихына саяхат жасап, тәуелсіз Қазақстанды әлемге танытқан өнер адамдарымен, ақын-жазушылармен таныстырды. Тыңдаушылар көптеген сұрақтар қойып ел тарихына деген қызығушылықтарын көрсетті. Әсіресе 1916 жылғы көтерістің 100 жылдығына орай жарық көрген, өлке өңірінен сыр шертетін «Орай шап көтерілісі» атты жинақ, «Кенесары», «Жәңгір хан» атты танымдық кітаптарға сұраныстар туды. Кітапханашылар кітапханаға жазылу шартымен таныстырды. Әділет басқармасының басшысы кітапхана қызметкерлеріне алғысын білдірді.

Байланысшы: Слямова З.М.