С. Аманжолов атындағы Шығыс Қазақстан мемлекеттік университетінде «Қайым Мұхамедхановтың ғылыми мұрасы және қайраткерлік тұлғасы» атты республикалық «G-global» форматындағы ғылыми семинар өтті.

Семинарға Л.Н. Гумилев атындағы Еуразия ұлттық унверситеті, Е. Бөкетов атындағы Қарағанды мемлекеттік университеті, Ж. Бектұров атындағы Қарағанды облыстық жасөспірімдер кітапханасы, «Қайым Мұхамедханов атындағы Білім мен Мәдениет орталығы» қатысты. А.С. Пушкин атындағы Шығыс Қазақстан облыстық кітапханасының өлкетанушысы З.Мұхтарханқызы семинарға қатысушыларды Қ. Мұхамедхановтың 100 жылдық мерейтойына орай құрастырылған  «Қайым Мұхамедхан: библиографиялық көрсеткіш» электронды нұсқасымен таныстырды.