Ерте кезде бұл көлдің орнында кең жазық дала болыпты. ол жерде аулуан түрлі әсем жасыл шөптер, ағаштар өскен екен.

  Осы жерді мекендеген бір байдың жүйрік аты бірде қатты мазасызданып, бір орнында тұра алмай шиыршық атыпты. Содан бір уақытта жердің астынан су атқылап қоя береді. Аспанға шапшыған су лезде шөптерді, ағаштарды басып, жоғары көтеріліп, тау баурайына дейін жетеді. Сасқалақтаған ауыл көшіп үлгере алмай, әбден әбігерге түседі. Сөйтіп, әлгі байдың бір көген қозы -марқалары су астында қалып қойған  көрінеді. Кейін аяқ астынан пайда болған сол көл "Марқакөл" деп аталыпты.  

Әдебиеттер тізімі:

Марқакөл // Қазақ аңыз-әпсаналары. Құраст. Д. Мағлұмов, Ә. Тауұлы. - Алматы: "Балауса" баспасы, 2014. - Б. 20.