Көкжал Барақ батыр қазақ жерін жоңғар басқыншыларынан азат етуші Абылай ханның ақ туы астында болып, жанын шүберекке түйген шайқастарда сан рет қаһармандық ерлік жасағаны үшін Көкжал атанған. Ел аузындағы әңгімеде, Іле бойындағы бір соғыста Көкжал батыр Абылайдың дұшпаны Болдыбекпен жекпе-жекке шығып, оны атынан ұрып түсіріп, Абылайдың алдына әкеліп тізерлетіпті. Сонда Абылай сүйініп: «Көкжалым-ай!» - деп Барақты арқасынан қағыпты және сол аңыздарға жүгінсек, Көкжал Барақ батырдың көкжелкесінен құйымшағына дейін өскен, ұзындығы екі елі көк қыл жалы болыпты. Ашуланғанда сол арқасындағы жалы күдірейіп кететін Барақ батырдың есімі қазаққа ғана емес қалмақ пен қытайға да аңыз болып тарапты-мыс.

Әдебиеттер тізімі

Алтынбаев  Қ. Қазақтың Көкжал Барағы // Дидар. - 1991. - 30 қараша.- Б.3.

Игибаев С. К. Көкжарлы Көкжал Барақ батыр, оның ұрпақтары және руластары : монография. - Өскемен : Рекламный Дайджест, 2015. - 280 б.

Игібаев , Совет. Көкжал Барақ батыр // Рауан. - 2010. - 17 шілде.- Б.4.; 24 шілде.- Б.4.

Қалиғожин, Советхан. Барақ ауылы [Электрондық ресурс] : [Күршім ауданы Теректібұлақ ауылының тарихынан.]. - Өскемен : Шығыс-Полиграф, 2013. - 135 б. с.

Қалиғожин С. Көкжарлы Көкжал Барақ // Дидар. - 2000. - 13маусым