2011 жылдың 10 мамырында сағат 10.00-де А.С. Пушкин атындағы облыстық кітапханада Кеңес Одағының батыры, Таврия ауданының түлегі С.Н. Борозенецпен (1922 ж.т.) өзгеше кездесу өтті. Жүздесу онлайн тәртібінде Skype бағдарламасының көмегімен жүзеге асырылды.
Кездесуге Батырдың Таврия ауданында тұратын немере іні- қарындастары, соғыс ардагерлері, мектеп оқушылары, әкімшілік қызметкерлері, бұқаралық ақпарат құралдарының өкілдері, мұражай қызметкерлері қатысты.
Интернет кездесудің алдында қысқаша С .Н. Борозенецтің өмірімен таныстырылды. С. Борозенец 1922 жылы Шығыс Қазақстан облысы Таврия ауданы Ақтөбе ауылында дүниеге келген. Семей аэроклуб мектебі, Оренбург қаласындағы авиация училищесін бітірген. 1944 жылдың қаңтар айынан бастап 1,2-ші Белорус майданында. Қызыл Жұлдыз, 3-дәрежелі Суворов орденді 569-шабуылшы звено командирі лейтенант Борозенец 94 рет ұшып, жаудың шоғырланған жеріне, теміржол магистраліне, шабуыл жасаған. Ленин, Қызыл Жұлдыз, І,ІІ дәрежелі Отан соғысы ордендерімен марапатталған. 1945 жылы КСРО Президиумы Жоғарғы Кеңесінің жарлығымен Кеңес Одағы Батыры атағын алған. 1956 жылы Мәскеу қаласындағы Әскери-Әуе академиясын бітірген. ХХ ғасырдың 80-жылдарына дейін Шығыс Қазақстан облысында тұрған. Одан кейін Мәскеуге қоныс аударып, 1995 жылы АҚШ-на емделуге кетіп, сонда қалып қойған. Бүгінде АҚШ-тың Чикаго қаласында тұрады.
2010 жылы 88 жастағы Степан Николаевич немересі Михаилдің көмегімен ұшақ штурвалына отырып, Чикаго қаласының үстінен бір айналып өткен. http://public.fotki.com/AlexBorozenets/iiih5/
Кездесу тұңғыш рет онлайн тәртібінде Skype бағдарламасының көмегімен жүзеге асырылды. Барлығы 70 адам қатысты. Кездесуді ашқан кітапхана қызметкерлері қонақтарды Ұлы Жеңіс мерекесінің 66 жылдығымен құттықтап бүгінгі кездесудің ерекшелігіне, Батырды қалай іздестіріп тапқандары жайлы қысқаша әңгімелеп берді. Шығысқазақстандық 109 Кеңес Одағының Батырларының соңғысы, есімі ұмыт бола бастаған - Степан Николаевич Борозенецті іздестіріп тапқан өскемендік тарих пәнінің мұғалімі, өлкетанушы Виктор Борисович Типтюк.
Америка уақыты бойынша 9 мамыр, біздіңше 10 мамыр күні С.Борозенец өз Отанымен - Өскемен қаласымен бейнебайланысқа шықты. Бұл бір ерекше тарихи күн болды.С.Н. Борозенец әлі тың көрінеді, жұбайы Лидия Семеновнамен, ұлы Александрмен экран алдына шықты. Бір қызығы –бізде уақыт таңертеңгі сағат онды көрсетіп тұса, оларды түн ортасы екен. Кітапхана залында батырдың ең жақын туыстары отырды. Көп жылдар көріспеген туыстардың экран арқылы бір-бірін көргендегі қуаныштары ерекше еді. Алдымен туыстарымен сөйлескен Батыр атамыз өз отбасы, өзінің жағдайы, өмірбаяны туралы қысқаша айтып берді. Немересі өзінің жолын қуып, ұшқыш мамандығын меңгергенін мақтанышпен айтты. Залдағы қонақтар сұрақ қойып, Батырға жақсы тілектер тіледі. «Жеңіс мерекесі АҚШ-та қалай аталып өтеді?» - деген сұраққа «Ешқандай да аталмайды», - деп жауап берді. 9-мамыр, әдеттегі жұмыс күні, тек ардагерлер өздері жиналып, өткен-еткенді еске алысады екен, оларда ардагерлер ассоциациясы жұмыс істейтін көрінеді.Техниканың аты техника, жаңа технологияларды іске қосып, байланысты ретке келтірген-ше кешке келеген қонақтарға Ұлы Отан соғысының ардагері А.И. Егоров соғыс жайлы әңгіме айтып, өлеңдер оқыды. Ішкі саясат бөлімінің маманы Ж. Камбетов Кеңес Одағаның жеңіске жету себебі халықтар достығы мен бірлігенде болғандығын, бүгінгі қоғамдағы халықтар бірлігінің маңызына тоқталды. Жиналған қауым В.Б. Типтюктің С.Борозенецке арнаған «В аварийном режиме» деректі фильмін тамашалады.
Кездесуге келген қонақтар кітапхана қорын ашып көрсететін, Ұлы жеңістің 66 жылдығына арналған «Жеңіс –бізге ортақ» атты кітап көрмесін тамашалады.Онлайын кездесу тұңғыш рет өткізілді. Мұхиттың аржағындағы шығысқазақстандық батырмен кездесуді ұйымдастырып үлкен патриоттық шараны жүзеге асырып отырған облыстық А.С.Пушкин атындағы кітапхананың өлкетану секторы мен жаңа технологиялар бөлімінің қызметкерлері екендігін айта кеткен жөн. Жаңа технологияның арқасында мұхиттың аржағындағы Чикаго қаласында тұратын Кеңес Одағының Батыры, жерлесіміз С.Н. Брозенецті көріп қана қоймай, даусын естіп, тілдесу жүректерге қуаныш, қимастық сезімін сыйлады. Жерлестері Батырға үлкен алғыстарын, жүрекжарды лебіздерін білдірді.
Н. Крутова
Фоторепортаж
 |
 |
 |
 |
ОНЛАЙН-ОБЩЕНИЕ С ГЕРОЕМ СОВЕТСКОГО СОЮЗА - С.Н. БОРОЗЕНЦОМ
10 мая 2011 г. в 10.00 утра в ВК областной библиотеке им. А.С. Пушкина состоялась необычная встреча с Героем Советского Союза – Степаном Николаевичем Борозенцом (1922 г.р.). Общение проходило в режиме онлайн при помощи программы Skype.
Перед началом интернет-общения прозвучала краткая информация из биографии С. Борозенца.
