Айтқожин Қ. Қас жауына қарсы шапқан баһадүр / К. Б. Айтқожин. – Өскемен : Арго ШҚПК ЖШС, 2023. - 2014 б.
Автор кітапхана қорына екі кітабын сыйға тартты. Оралхан Бөкей атындағы лицейдің тарих пәні мұғалімі Айтқожин Қайрат Батханұлы білім және ғылым саласындағы ерен еңбегі үшін "Білім беру ісінің үздік педагогы" атты төсбелгімен, Абай медалімен марапатталған. «Қазақстанның мәртебелі ұстазы" атты Республикалық байқауына қатысып, I дәрежелі дипломның иегері.
Мәңгілік махаббат дастаны «Көзімді жұмсамда көрем сені» атты кітаптың төрт данасын жазушы, Шығыс Қазақстан жазушылар Одағының төрағасы, кітап авторы Әлібек Қаңтарбаев кітапхана қорына сыйға тартты.Кітаптың бірінші бетінде «Мынау басы мен аяғы бір тұтам толық ғұмырымда маған періште Жар, кұдіретті де сенімді Демеушім бола білген аяулым-Гулжан Әділғазықызының аруағына бағыштаймын» , - өзіңнің Әлекең деген сөзде қаншама мән мағына жатыр.
Кітапхана қорына бірнеше кітаптың авторы, Набиолда Салихұлы Кемешев «Ой түрткі» атты кітабын сыйға тартты. Набиолда Кемешев туған жерге деген ыстық ықыласын әр шығармасына арқау етіп, оның тірлік-тынысымен бірге тыныстады.Жүзден астам ән шығарған сазгер. «Жүрекпен сырласу», «Өмірім-өлеңім», «Әндер жинағы», «Ұрпағыма өсиет», «Әке рухына тағзым», «Ақ тілек, ақ бата», «Әке аманаты», «Әке мұрасына адалдық» атты кітаптардың авторы.
Ой-өрісті оятатын, түрткі болатын құрал-даналық сөздер құнды қазынамыз. Даналық сөздерді алғаш жинақтап, тәрбие құралы етіп, пайдаланған тұңғыш ағартушымыз Ыбырай Алтынсарин.
Оралхан Бөкейдің 80 жылдық мерейтойына орай шығарылып, осы мерейтойда тұсауы кесілген "Шолпандай таң алдында туып - батты" кітабын тұсаукесер рәсімінде әріптестеріме екі данасын сыйға тартыпты. Кітаппен танысып, қуанып жатырмыз. Оралхантануға қосылған тағыда бір сүбелі еңбек болды.Кітаптың алғы сөзі жерлес жазушы Қасым Қайсеновтың жазушы туралы айтқан сөзімен басталыпты. Оралхан өзі туған табиғатына ұқсас еді. Алтайдай асқақ, оның оқ жетпес құзар шыңдарындай биік еді. Заңғар таулардан құлап аққан өзендеріндей тасқын еді. Тауларының сілемдерін жайлаған ерке еліктеріндей елгезек еді. Өркеш-өркеш тастарындай ірі еді. Қалам сілтеген алыптардың бірі еді. Шығыстан жарқырап шыққан жұлдыз еді.
Кітапхана қорына Күршім ауданының тумасы Қабдолда Тұрардың «Күркебай батыр» атты кітабының алты данасын құрастырушы Нұрсовет Қайыров ағамыз сыйға тартты.Қабдолда Тұрарұлы-шежіреші, ақын-сазгер, жазушы КСРО «Мәдениет саласының үздігі», «Мәдениет қайраткері», Шығыс Қазақстан өнер мектебін, Күршім аудандық мәдениет бөлімін 18 жыл басқарды. Осы жылдар ішінде аудандағы үш ұжымға «Халық театры» атағын әперді. Ауданда мұражай үйін салдырып,оны ашты.
Журналист-публицист, жазушы, Mecenat.kz жаңа әдеби сыйлығының тұңғыш иегері Шархан Қазығұл «Күлпет» романының үш данасын сыйға тартты.Жазушы Шархан Қазығұл «Күлпет» романында Қазақстанның социализм дәуіріндегі кезеңінен бастап, қазіргі күнге дейінгі тарихын басты кейіпкер Әбужан Райысовтың өмірі мен тағдыры арқылы суреттейді. Көркем шығармада туған жерге деген махаббат пен шынайы патриотизм, қазақ әйелінің адалдығы, ұлттық дәстүрді сақтау сияқты құндылықтарға терең бойлаған жазушы адамзат алдындағы мәңгілік сұрақтарға жауап іздейді.
Өскемен қаласы әкімдігінің Оралхан Бөкей атындағы N44 лицейдің тарих пәнінің мұғалімі Қайрат Айтқожин «Қабанбайтану оқу құралы» атты кітапты кітапханаға сыйға тартты.Қазіргі кезде адамзат жаңа жаһандық мәселелермен бетпе-бет келіп отыр. Бала тәрбиелеу-болашаққа ең үлкен инвестиция. Бұл мәселеге немқұрайлы қарамай, балаларға жақсы білім беруге ұмтылуымыз керек.
Өзінің туған өлкесінің тарихын терең танымай, елі мен жер үшін жанын құрбан еткен, тәуелсіздігін аңсаған ата – бабаларымыздың есімін, ерлігін жас ұрпаққа танытпай патриот, патриоттық деген ұғымды түсіндіре алмаймыз.
Сүйінші! "Төр Алтай" атты жаңа журнал оқырмандарымен қауышты!
Жер бетінде тірлік кешіп жатқан кез келген ұлт пен ұлыстың рухани болмысын байытатын, ішкі жан дүниесін қағып-сілкіп жаңғыртып отыратын бір ғана тәсіл, бір ғана дүние бар, ол -сол жұрттың әдебиеті мен өнері. "Төр Алтай" атты жаңа журналдың өмірге келуі, оқырманына қадам басуы-осы бір олқылықтың орнын толтыруға жасалған алғашқы қадам.
