Қазақ тарихындағы ақтаңдақтар көп-ақ.Әсіресе алаш ардақтылары жайлы деректер толығымен оқырман қолына жеткен жоқ.Сондай ақтаңдақтардың орнын толтыруда алаш қайраткері, халық ақыны Жақсылық Төленұлы туралы шыққан танымдық кітаптың орны ерекше. Есімі көп елене бермеген белгілі қоғам қайраткері Ж. Төленұлы мен оның үзеңгілес серіктері Әлімхан Ермеков, Мұхтар Әуезов, Жүсіпбек Аймауытов туралы тың деректерді оқи аласыз. 
Сонымен қатар кітапта ақын Жақсылық Төленұлының шығармашылығы туралы айтылып, өлеңдері мен әңгімелері берілген.

Семей сынақ полигонының жабылғанына 25 жыл толды. Полигонның бүгінгі жай- күйі сізді алаңдата ма?

Семей полигонын залалсыздандыру жайындағы «Бұрынғы Семей сынақ полигонын қауіпсіз күйге келтіру жөніндегі ғылыми-техникалық және инженерлік жұмыстар кешенін жүргізу» атты үш томдық еңбек жарық көрді. Жинақтың авторлары: Н.Ә.Назарбаев , В.С.Школьник, Е.Ғ.Батырбеков, С.А.Березин, С.Н.Лукашенко, М.Қ.Ысқақов.

Жинақта ҚР Ұлттық ядро орталығының бұрынғы ССП әскери-өндірістік кешенін конверсиялау бойынша шетелдік әріптестерімен ынтымақтастықта жүргізген жұмыстарының, атом энергетикасы және радиоэкология қауіпсіздігі саласындағы ғылыми-техникалық ынтымақтастықтың қомақты тәжірибесі қамтылған.

Полигонның бүгінгі жай- күйі, экологиясы, залалсыздандыру мәселесі қызықтырса кітапханаға асығыңыз!

Белгілі қазақ жазушысы Роллан Сейсенбаев аса көрнекті шығармашылық қызметі үшін  Антуан де Сент-Экзюпери  атындағы  халықаралық сыйлықтың лауреаты атанды.  Мұндай шешім Германия мен Францияның  әдебиет, өнер мен мәдениет қайраткерлерінің «Глория-Лион» ассоциациясы бірауыздан қабылдаған.

Осыған жалғасқан екінші  жағымды жаңалық та көп күттірмеді. Америка Құрама штаттарының Сан-Франциско қаласында орналасқан Халықаралық Арт орталығы 2018 жылғы Джек Лондон атындағы халықаралық әдеби сыйлығының лауреаттарын жария етті. Мәртебелі сыйлықпен марапатталған әр елдің мәшһүр жазушыларының арасында көрнекті қазақ жазушысы Роллан Сейсенбаев та бар. Оның «Құм кезген өліктер» роман эпопеясы XXI ғасырдың таңдаулы романдарының бірі деп танылды.   Жерлесіміз, дарынды жазушыны сыйлығымен құттықтап, еңбегіне шығармашылық шабыт, зор денсаулық тілейміз!

Кітапта Ұлан ауданының тумасы, Жаңа Қанай ауылының тұрғыны, Қазақ ССР халық ағарту ісінің озық қызметкері, мұғалім, Ұлы Отан соғысының ардагері Деменов Минай Даменұлының өмірі жжайлы жазылған. «Тағылымы биік тұлға» кітабынан Минай Даменұлының ұстаздық, отағалық, батырлық қырларымен таныса аласыз.  Минай Даменұлының туғанына 100 жыл толуына орай шығарылып жатыр.  Рухани жаңғыру кезінде жас ұрпақтың патриоттық сезімін оятуға септігін тигізетін кітап.  Қарапайым, қайырымды, дана адамның көзін көрген әрбір азаматтың естелігі арқылы оның жаңа қырын, адамгершілігі мен ұлағаттылығын оқып біле аласыздар.