Көршілес Монғолияның Баян Өлгий аймағы Ақтан Бәби атындағы орталық кітапхана директоры Асқар Шаймардан бастаған бір топ кітапханашылар кітапханааралық әріптестікті нығайтып, тәжірибе алмасу үшін біздің кітапханада қонақта болды. Тәжірибе алмасу «Болашаққа көзқарас » жобасы аясында өтті.
Шығыс Қазақстан облыс әкімінің басшылығымен әрі қолдауымен 2011 жылдан бері «Алтай – Түрік әлемінің алтын бесігі» атты ғылыми –практикалық конференция өткізу дәстүрге айналып отыр.
5 қазан күні Ғайса Сәкен «Көкпен таласқан Көктауым, киелі мекенім Ақбауыр» атты кітабын А. С. Пушкин атындағы Шығыс Қазақстан облыстық кітапханасына сыйға тартты. Автор: «Біздің өңір туралы осындай кітап неге жоқ, әлде біздің ауыл ондай адамдардан кенде ме? - деген ойға шолып, сол ойдан туған туынды болды» - дейді. Бұл кітапты шығару бүгінгі күннің талабы. «Бұрынғыны білетін ақсақалдар өмірден кетіп жатыр, оны жас ұрпаққа жеткізу біздің аманатымыз»,- деп Бестерек ауылының тумасы, академик Зейнолла Самашев ойға ой қосқан екен.
Өз елім менің ТопқайыңКөшесі түзу оқтайын,
Дүниені шарлап кезсем де,
Ақыры саған тоқтаймын.
Ауылым менің Топқайың
Өзіңде жүрсем жоқ уайым.
Асыр сап өскен шыңыңда,
Бәрінен биік – Қоңқайым, - деп ақын жырлағандай, Шығыс Қазақстан облыстық А. С. Пушкин атындағы кітапханаға катонқарағайлық азамат Саин Ауғанбаев «Түнгі аспан» атты өлеңдер жинағын сыйға тартты.
Әндері қалған өріліп,Зайсанның самал желінде.
Күйлері қалған күмбірлеп,
Ақ нөсер Сауыр төсінде – деп ақын жырлағандай Зайсан өңірінде туып, есімдері ел есінде қалған өнерпаздар туралы жаңа кітап келіп түсті. Жинақтың аты- «Зайсанды ән –күйменен әлдилеген» (Алматы. Құрастырушы – «Қайран Алтай, Марқакөл» деп өмірден зарлап өткен біртуар ақын Құмарбек Көпенұлының немересі –Бауыржан Құмарбеков.
22 қыркүйек 2017 жылы А. С. Пушкин атындағы Шығыс Қазақстан облыстық кітапханасына жазушы Тұрысбек Сәукетаев «Айқараңғысы», «Көлеңкелер патшалығы», «Мен-жындымын» атты кітаптарын сыйға тартты.
Қаламгер 1950 жылы 14 қарашада Алтай өлкесінде туған. 1968 жылы Шығыс Қазақстан облысындағы Күршім орта мектебін бітіріп, 1970 жылы С.М.Киров атындағы Қазақ мемлекеттік университеті (қазіргі әл-Фараби атындағы Қазақ ұлттық университеті) журналистика факультетіне түсіп, осы университетті аяқтаған. Сәукетаев Тұрысбектің "Ұстаз" деп аталатын алғашкы өлеңі 1965 жылы Күршім ауданы "Коммунистік еңбек" газетінде жарияланған. Ол «Қилы тағдыр» атты романдар циклін жазған. Ал, «Айқараңғысы» романы – сол топтаманың беташары. Роман әйгілі желтоқсан көтерілісіне арналған. Сабира сияқты желтоқсан ерлерінің жан-дүниесіндегі санқилы сапырылысқан сезім-күйлер мейлінше шынайы бейнеленген. Кітапты оқып шығу Сіздің еншіңізде.
25 жыл бұрын азаттық таңымен бірге жаңа Тәуелсіз Қазақстан мемлекетінің тарихы бастау алды. Бұл жылдар Егемен еліміздің жылнамасына алтын парақтармен жазылды.
|
|
|
