Алматының «Дәстүр» баспасынан шыққан Шығыс Қазақстан жас ақындарының «Алтай айшықтары»  атты жаңа жыр жинағымен таныс болыңыздар.

Жинақ «Дала дидары» сериясымен шыққан. Олжас Қасым, Рауан Қабидодин, Ермек Дайырбаев т.б. ақындардың өлеңдері енген.  Жинақ жыр сүйер қауымның көңілінен шығады деп сенеміз!

Жерлесіміз, жас ғалым Айжан Қартаеваның  «Мұхтар Әуезовтың шығармашылық әлемі» атты оқулығы мұхтартану ғылымына қосылған сүбелі үлес. Кітапта Абай мен Мұхтар шығармаларындағы сабақтастық мәселесі жан-жақты сараланған. Кітап студенттерге, оқытушыларға, мектеп оқушылары мен мұғалімдеріне арналған.

Зәки Ахметов...Үстіміздегі жылы 85 жылдық мерейтойы аталып өткен ғұлама ғалым, жерлесіміз З. Ахметовтың ғылыми еңбектері мен қолжазбаларындағы өмір, қоғам туралы нақыл сөздері мен поэзия, сөз өнері жайлы  ой – толғамдары топтастырылған «Білімдіден шыққан сөз...» атты жаңа кітап оқырманға жол тартты.  Сәттілік тілейік!