Өскемен қаласының тұрғындары, Ребровтар отбасы біздің кітапханаға отбасылық жәдігерді, атап айтсақ,  Мұхтар Әуезовтың 1945 жылы басылып шыққан «Абай» романын сыйға ұсынды.

Бұл Абай Құнанбаевтың 100-жылдығына орай  Мәскеудің «Советский писатель» баспасында 35 000 дана таралыммен орыс тілінде жарық көрген роман.   Аудармашылар А. Никольский және Т. Нұртазин, редакторы қазақ әдебиетінің білгірі жазушы Леонид Соболев.

Кітап иегері Александр Ребров. Ол соғыс жылдары және соғыстан кейін Уварово селосында оқып жүргенде үздік оқығаны үшін осы кітаппен марапатталған. Кітап форзацында келесідей жазу бар:   «За хорошую учебу, примерное поведение и активную общественную работу награждается ученик 5-го класса Уваровской 7-милетней школы Ребров Александр. 1945-1946 учебный год». Соғыстан кейінгі алғашқы оқу жылы.

Кітап өте ескірген, яғни көп оқылғаны көрініп тұр. Уақыт өте келе кітап көнеріп, жеке-жеке бөлініп, ыдыраған.  Ол бір кітапқа өте құрметпен, мұқият  қараған кезеңдер еді. Кітап иелері кітап көнерсе де тастағылары келмеді, кітап беттерін тігіп, жинақтап, қалпына келтірді. Осындай қалпына келтіру жұмысынан кейін сирек басылым қазіргі күнге дейін сақталып, біздің кітапхананың сирек қорын толықтырды.